გიზიარებთ ინფორმაციას, კანონით მონიჭებული მომხმარებლის უფლებების შესახებ, რომელიც ფართო საზოგადოებისთვის ამ დრომდე უცნობია და რომელიც აუცილებელია წამლის შერჩევის და შეძენისას ინფორმირებული გადაწყვეტილების მისაღებად.

ვინაიდან არსებობს წამალში მაღალი ფასის უსაფუძვლოდ გადახდის საფრთხე, მთავრობის დადგენილების თანახმად, ექიმებს დაეკისრათ ვალდებულება, წამალი მხოლოდ საერთაშორისო დასახელებით გამოწერონ.

Რაც ნიშნავს, რომ რეცეპტში არ იქნება მითითებული წამლის კონკრეტული ბრენდული დასახელება, არამედ ყურადღება გამახვილდება მის შემადგენელ, ძირითად, სამკურნალო ეფექტის მქონე აქტიურ ნივთიერებაზე. უნდა ვიცოდეთ, რომ ერთიდაიგივე ძირითადი აქტიური ნივთიერების მქონე წამალს ბევრი ფარმაცევტული კომპანია აწარმოებს. Მათი ფასი ერთმანეთისგან ძალიან განსხვავებულია, Ხარისხი კი ხშირად ერთმანეთისგან არ განსხვავდება.

ვინაიდან მომხმარებლებს ნაკლები ცოდნა აქვთ წამლის შემადგენლობაზე, ხშირად თვლიან, რომ რაც უფრო მაღალია წამლის ღირებულება, უკეთესია მისი ხარისხი და სამკურნალო ეფექტი, Რაც უსაფუძვლო მოსაზრებაა.

ინფორმაციის ნაკლებობა ფარმაცევტულ ბაზარს მანიპულირების საშუალებას აძლევს და მაღალი მოგების მისაღებად, აფთიაქში მისულ მოქალაქეებს ხშირად მხოლოდ ძვირადღირებულ მედიკამენტებს გვთავაზობენ.

მომხმარებლის უფლებების დაცვის კანონი გვაძლევს უფლებას და საშუალებას, ინფორმაციის საფუძველზე, პაციენტმა გადაწყვიტოს, ვისი წარმოების და რა ფასიან მედიკამენტს შეიძენს.

აფთიაქში ვიზიტისას, გამოწერილი რეცეპტის საფუძველზე ფარმაცევტი ვალდებულია, მომხმარებელს ჯანდაცვის სამინისტროს მიერ შექმნილი ე.წ.„პოზიტიური სიიდან“ სამი ყველაზე ეკონომიური და ამავე დროს ხარისხიანი მედიკამენტი შესთავაზოს. Სია GMP სერტიფიკატის მქონე წამლებს აერთიანებს და მათი ხარისხი ამ გზით გაკონტროლებულია.

მოქალაქეებს უნდა ჰქონდეთ შესაძლებლობა, მიიღონ ამომწურავი ინფორმაცია მათთვის სასურველი მედიკამენტების, მისი გენერიკული დასახელებების, მწარმოებელი ქვეყნებისა და ფასების შესახებ. ამ ინფორმაციის საფუძველზე შესაძლებელი გახდება ინფორმირებული გადაწყვეტილების მიღება.

Მოითხოვეთ ინფორმაცია ექიმისგან და ფარმაცევტისგან, ნუ იყიდით წამალს ბრმად!

დისკუსიისთვის და ჩვენთვის თქვენი გამოცდილების გასაზიარებლად შემოუერთდით ჯგუფს: https://www.facebook.com/groups/808112050833897